Aaj virane me baitha soch raha main, Khwaish mere ruh ki.. (an old one...)

Aaj virane me baitha soch raha main,
Khwaish mere ruh ki..

Bahut bana deewana jag me
Tha ek manchala parwana tab main
Aaj sthirta main baitha soch raha main
Khwaish mere ruh ki..

Khushiyan thi aapar hi meri
Kaamyabi bas jeevan dhar thi meri
Aaj haar k shan me baitha soch raha main
Khwaish mere ruh ki..

Apne kabhi na apne mere
Rehte mujhpar bas bahar k ghere
Aaj mehfil me baitha soch raha main
Khwaish mere ruh ki..

Prem kabi na tha raag ye mera
Preyasi par rehta sada vairaag mera
Yaad kisi ko kar betha soch raha main
Khwaish mere ruh ki...

Har jeet b meri har haar b mera
Is jeevan k juyen me har daav b mera
Par khatm hue is khel par betha soch raha main
Khwaish mere ruh ki...

Kaliyon k khilne se na matlab mera
Sukhe paton se hi ghar sajta hai mera
Patjhad me betha soch raha me
Khwaish mere ruh ki...

Sailabon pe hi hamesha ghar banta hai mera
Lehron se takrakar hi ghar chalta hai mera
Baitha ab baadh me soch raha main
Khwaish mere ruh ki...

Khushiyon se unke na koi matlb mera
Teez tyohar se na unke kuch lena mera
Betha magar unke maatam me soch raha main
Khwaish mere ruh ki...

Tum socho khudgarz mujhe hi
Moh-mamta mujhme na sahi hi
Aaj magar apne ashkon se puch raha main
Khwaish mere ruh ki...


Lots of Love! Anji