Khamosh raat ...

Lots of Love! Anji




Nights


Khamosh raat se puchti hun main aksar,
Itni khoobsurat hokar bhi tu tanha kyun hai..
Kaunsi reh gyi dil ki wo muraad adhuri,
Sab hai tere paas par tu gumshuda kyun hai..
Pura dikhta hai wo chaand bhi tujh par,
Taaron se bhara hai phir bhi adhura kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Le ata hai uski yaad bhi tere ane ka pahar,
Tujh jaisi hi ho jati hun main bhi kuch,
Jaane ye virah ka silsila kya hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Kehte hain baba sabse sunder hota hai sehar ka wo pal,
Adha andhera aur aadhi roshni hai jisme..
Par ye tera shyam rang mujhe bhaata kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Ek baar dekha tha vrindavan me tujhe kaanha k bhi saath,
Kadam par betha bansuri se wo mujhe aaj bhi rijhata kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Yaad hai mujhe us din ka tera wo tanha guzar jaana,
Uski yaad me jab un galiyon me do aansu bahaye the..
Aaj bhi magar un galiyon ki mitti nam kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Soti nahi thi bachpan me maa meri,
Jab saari raat me shaukh se jagti thi..
Aaj usi chote se ghar me akeli jagti wo pareshan kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Ek ansun bhi na dunga vaada kiya tha usne kabhi..
Aaj in ankhon me ye dariya kyun hai..
Kaisa riwaaz hai ye bhi mohabbat ka,
Vaadon k saath dil toot ta kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Jaagte hain tere saath kuch hi deewane aksar,
Ishq,shayari,sharab ka ye nasha kya hai..
Saath rehkar bhi saath nahi rehte apne,
deewane ko apni deewangi me ye maza kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..
Taakta dur un aasmano me,
apni taqdeer musafir dhoondta kyun hai..
Raaste kho par bhi khuda par jaane,
Bando ka rehta hausla kyun hai..
Khamosh raat se puchti hun main aksar,
Itni khoobsurat hokar bhi tu tanha kyun hai..