Lots of Love! Anji
Mohabbat k silsile purane hue,
Unko dekhe bhi ab zamane hue..
Jal utha hai dil phir unki yaad me,
Jinke intezar me hum parvaane hue..
Kuch yun nikla unse apna pan hamara,
Khud k liye hi hum begaane hue..
Do aansu bhi bahaye to ab kis kandhe par hum,
Unke pyaar k do bol to ab afsaane hue..
Jalta gya kuch yun aashian mera jaise,
Jalane ko use sab hi shaamil hue..
Ek baar bhi use paas na bula sake hum mana k,
Use gale lagane k kai mauke hue..
Teri aankhon se abhi pee bhi na paye the hum,
Tere gham me ye do aankhen paymaane hue..
Maana k kuch nahi hai magar kuch hai bhi,
Kaise keh de k tujhse begaane hue..
Ishq me tere basta nahi hai mera ghar,
Kis zid me magar dekh hum banjaare hue..
Tanhaiyon se mujhe lagta nahi ab darr,
Teri yaad to bas bahaane hue..
Kaise karun ab main teri bandagi mere khuda,
Tujhko unme dekh hum unke deewane hue..
Mohabbat k silsile purane hue,
Unko dekhe bhi ab zamane hue..
No comments:
Post a Comment